စမွတ်ဆာခွန်၊ သြဂုတ် (၅) – ဖမ်းဝရမ်းအများအပြားထွက်နေသူ တရားမဝင်အလုပ်သမားတွေကို မှောင်ခိုသယ်ဆောင်နေတဲ့ ဂိုဏ်းရဲ့ ခေါင်းဆောင်ဖြစ်သူ “ဒမ်ဝပ်တက်” လို့ လူသိများတဲ့ ထိုင်းအမျိုးသားတစ်ဦးကို စမွတ်ဆာခွန် လူဝင်မှုကြီးကြပ်ရေး (လဝက) အရာရှိတွေက ဖမ်းဆီးရမိခဲ့ပါတယ်။
သူ့ဆီကနေ မူးယစ်ဆေးဝါးတွေနဲ့ တရားမဝင် မြန်မာအလုပ်သမားတချို့ကိုပါ တစ်ပါတည်း ဖမ်းမိခဲ့တာပါ။
ယနေ့ဩဂုတ်လ ၅ ရက်နေ့မှာ စမွတ်ဆာခွန်ခရိုင်၊ မဟာချိုင်မြို့နယ်က တိုက်ခန်းတစ်ခုမှာ အသက် ၄၅ နှစ်အရွယ် “နိုင်ဒမ်” ကို လဝက အရာရှိတွေက ဝင်ရောက်ဖမ်းဆီးခဲ့တာ ဖြစ်ပါတယ်။
ဒီဖမ်းဆီးမှုဟာ နိုင်ဒမ်က တရားမဝင်အလုပ်သမားတွေ ခေါ်သွင်းတဲ့ အဓိကခေါင်းဆောင်ဖြစ်ပြီး မူးယစ်ဆေးဝါးရောင်းဝယ်မှုတွေမှာလည်း ပါဝင်ပတ်သက်နေတယ်ဆိုတဲ့ မြန်မာအလုပ်သမားတွေရဲ့ သတင်းပေးချက်အရ စုံစမ်းပြီးနောက် ဝင်ရောက်ဖမ်းဆီးခဲ့တာလို့ သိရပါတယ်။
စစ်ဆေးမှုတွေအရ နိုင်ဒမ်ဟာ လူဝင်မှုကြီးကြပ်ရေးဥပဒေနဲ့ ခိုးမှုတွေအတွက် ဖမ်းဝရမ်းအများအပြား ထုတ်ခံထားရသူဖြစ်ကြောင်း တွေ့ရှိခဲ့ရပါတယ်။
ဒါ့အပြင် သူနေထိုင်တဲ့နေရာကနေ စိတ်ကြွဆေးပြား ၁၁၂ ပြားနဲ့ တရားမဝင် ဝင်ရောက်လာတဲ့ မြန်မာနိုင်ငံသား အလုပ်သမား ၄ ဦးကိုလည်း ထပ်မံတွေ့ရှိခဲ့ပါတယ်။
အာဏာပိုင်တွေက သူ့ကို မူးယစ်ဆေးဝါးမှု၊ တရားမဝင် နိုင်ငံခြားသားတွေကို ဝင်ရောက်လာအောင် ကူညီအားပေးမှု၊ အရင်ရှိပြီးသား ဖမ်းဝရမ်းတွေနဲ့ အမှုဖွင့်ပြီး ဖမ်းဆီးရမိသူအားလုံးကို စမွတ်ဆာခွန်မြို့မရဲစခန်းကို လွှဲပြောင်းပေးကာ ဥပဒေနဲ့အညီ ဆက်လက်အရေးယူသွားမှာ ဖြစ်ပါတယ်။
Crd- CaoCao
