မွန်လူမျိုးရေးရာအဖွဲ့ချုပ် လှို့ဝှက်ဖွဲ့စည်းထားသော မွန်အမျိုးသားကာကွယ် ရေးအဖွဲ့ MNDO အဖွဲ့ဝင် မွန်လူငယ် (၂၇) ဦးတို့သည် ၁၉၄၈ ခုနှစ် သြဂုတ် လ ၁၉ ရက် (ဝါခေါင်လပြည့်နေ့) တွင် ဘားအံမြို့နယ် ဂျိုင်းမြစ်ကမ်းနံဘေးရှိ ဇာသပြင် ကျေး ရွာသို့ ရုတ်တရက်ရောက်ရှိလာကာ သူကြီး၏ ကာကွယ်ရေးတပ်ဖွဲ့ နှင့် ရဲစခန်း လက်နက်တို့ကို အလစ်အငိုက် လုယူသိမ်းပိုက်လိုက်ကြသည်။မွန်လူငယ်တို့သည် လက်နက်များရရှိပြီးနောက် နံနက်စောစောပိုင်းတွင် ဇာသပြင် ဆိပ်ကမ်းသို့ ဆိုက်ကပ်လာသော မော်လမြိုင်-ကျုံဒိုးလူစီးသဘေႅာ၊ မော်တော် ဘုတ် မျာကို ဆက်လက်ဖမ်းယူပြီး တရနာ၊ ကော့လမု၊ ကော့ဘိန်း၊ ကော့ပေါက် နှင့် ကဒိုးကော့နှပ်ရှိ ဖဆပလ ကာကွယ်ရေးအဖွဲ့ ဝင်များထံမှ လက်နက်များကို သွား ရောက်သိမ်းယူလိုက်ကြသည်။
မွန်လူမျိုးများဖြစ်ကြသည့် ကျေးရွာကာကွယ်ရေးတပ်ဖွဲ့ဝင်များသည် ခုခံခြင်း လုံးဝမပြုကြဘဲ MNDO မွန်လူငယ်များနှင့် လိုက်ပါ၍ အတူတကွ ပူးပေါင်းဆောင် ရွက်လာကြသည်။
ထိုနေ့က ဖြစ်စဥ်ကို နောက် ၁၁ ရက်အကြာ သြဂုတ်လ ၃၁ ရက်နေ့ထုတ် မြန်မာ့ အလင်း သတင်းစာမှ “အစိုးရ သဘေႅာ ခေတ္တသိမ်းပြီးမှ ပြန်လွှတ် လိုက်ခြင်း” သတင်းခေါင်းစဥ်ဖြင့် အောက်ပါအတိုင်း ဖော်ပြခဲ့သည်။
“ကော့ကရိတ်သတင်းထောက်ထံမှ “ကော့ကရိတ်မြို့မှ သြဂုတ်လ ၁၉ ရက်နေ့ တွင် မော်လမြိုင်သို့ သွားကြရန်ရှိသော ခရီးသည်များသည် ကျုံဒိုးဆိပ်ကမ်း ရောက်သောအခါ အချို့က အစိုးရသဘေႅာကို စီးကြ၍ အချို့က မော်တော်ဘုတ် ကလေးများကို စီးကြပြီး အသီးသီးသွားကြကြောင်း။ အစိုးရ သဘေႅာသည် နံနက် ၁၀ နာရီခန့်အချိန် တွင် ဇာသပြင်ဆိပ်ကမ်းသို့ ရောက်သောအခါ အမည်မသိလူ ၃၀ ခန့် လက်နက်မျိုး စုံနှင့် တက်လာကြပြီးလျှင် မလှုပ်ကြနှင့် လူကိုဘာမျှ ရန်မရှာပါ၊ ရွှေငွေများလည်း အလိုမရှိဘူး၊ လက်နက်များသာ အလိုရှိသည်ဟု ပြောဆိုပြီး ကော့ကရိတ် တရား သူကြီး ဦးမောင်မောင်ကြီးထံမှ ၆ လုံးပြူး တစ်လက်ကို သိမ်းယူ သွားသည်ဆိုကြောင်း ခေါင်းဆောင်လုပ်သူက ယခု ကျနော်တို့ လက်နက်သိမ်းခြင်းမှာ ယနေ့ယခုတချိန်တည်း မော်လမြိုင်တွင် လည်း ဆိုင်ရာက သိမ်းနေသည်၊ ကော့ကရိတ်တွင်လည်း သိမ်းနေပါသည်ဟု ပြောဆိုပြီး ၄င်းသဘေႅာကို ကျုံဒိုးဘက်သို့ ခုတ်မောင်းခိုင်းကာ တရနာရွာ၊ ကော့လမုရွာ၊ ကော့ဘိန်းရွာများမှ လက်နက်များကိုပါ သိမ်းဆည်းသွား ပြန်သည်ဆိုကြောင်း။ တရနာရွာမှ လက်နက်အချို့ကိုသာရ၍ စိတ်မကျေနပ်သည့် အတွက် ကော့ဘိန်းမှ လှည့် ပြီး တရနာရွာတွင် တခါလက်နက် များ ပြန်ရှာကြသည် ဆိုကြောင်း။ တရနာရွာတွင် လက်နက်များကို ရှာနေစဥ် ခရီးသည်များမှ သိမ်းထားသော မော်တော်ဘုတ်ကလေး ၅ စီးကို ကျုံဒိုးသို့ တစီးကို မော်လမြိုင်သို့ သွားလိုသော ခရီးသည်များအား စီးနင်းလိုက်ပါရန် လွှတ်လိုက်သည် ဆိုကြောင်း။ အစိုးရ သဘေႅာကိုတော့ သူတို့အလုပ်ရှိ၍ ၃ ရက်ခန့် သိမ်းထားမည်ဟု ပြောသည့်အပြင် သဘေႅာစာရေးအား သူတို့လူစုကို ယနေ့ညအရောက် ဖားအံသို့ ပို့ပေးရမည်ဟု ပြောသဖြင့် သဘေႅာစာရေးက ဖားအံလမ်းသည် ရေမြုပ်ဗုံးများ ရှိနေ၍ သွားလို့မ ဖြစ်နိုင်ကြောင်း အတန်တန်ပြောဆို တောင်းပန်သဖြင့် ကူးတို့အထိ သာ ပို့ပေးရပြီး သဘေႅာကို မော်လမြိုင်သို့ ပြန်လွှတ်လိုက်သည် ဆိုကြောင်း၊ သိမ်းသွားသော လက်နက်ပေါင်းမှာ အမျိုးစုံ ၄၀ ခန့်ရှိသည် ဆိုကြောင်း” ရေးသား ဖော်ပြ ခဲ့လေသည်။
MNDO လူငယ်များမှ ဇာသပြင်ရဲစခန်းကို စီနင်းပြီး လက်နက်များကို သိမ်းပိုက် သည့် ကိစ္စနှင့်ပတ်သက်၍ မော်လမြိုင်မြို့ပေါ်ရှိ မွန်လူမျိုးရေးရာအဖွဲ့ချုပ်ရုံးမှ အတွင်းရေးမှူး နိုင်ငွေသိမ်းနှင့် ပြန်ကြားရေးဌာနတာဝန်ခံ နိုင်ဘလွင်တို့ကို အာဏာပိုင်တို့က ဖမ်းဆီးပြီး မော်လမြိုင်ထောင်သို့ ထည့်လိုက်သည်။
မွန်လူမျိုးရေးရာအဖွဲ့ချုပ် ဥက္ကဌ နိုင်လှမောင်မှာ မွန်လူငယ်များ လက်နက်ပြန် အပ်ဖို့ နားချဖြောင်းဖြပေးရန် ဘားအံမြို့နယ်သို့ အာဏာပိုင်များ စေလွှတ်လိုက် သည်။ သို့သော် MNDO လူငယ်များနှင့် သွားရောက်တွေ့ဆုံသည့်အခါ ဖြောင်းဖြေ ပြောဆိုခြင်းမဟုတ်တော့ဘဲ လက်နက်ကိုင်ထားသော MNDO မွန်လူငယ်များကို မြင်တွေ့လိုက်ရသဖြင့် ဇာတိမာန်တက်ကြွလာကာ “ဒို့မွန်တွေ တောင်းဆို ချက် ၇ ချက်ကို မပေးတဲ့ ဖဆပလ ဒင်းတို့ ကောင်းကောင်းတွေ့ခဲ့ပြီ မဟုတ်လား” ဟု မွန် လိုကြုံးဝါး ပြောဆိုပြီး မော်လမြိုင်ကိုလည်း မပြန်တော့ပေ။
တစ်ပတ်ကျော်ကြာမြင့်ပြီးနောက် ဥက္ကဌ နိုင်လှမောင်က မော်လမြိုင်ပြန်မလာခဲ့ သလို မွန်လူငယ်များကလည်း ကျေးရွာကာကွယ်ရေးလက်နက်များကို တစ်ရွာဝင် တစ်ရွာထွက်ပြီး ဆက်လက်သိမ်းပိုက်နေသောကြောင့် မော်လမြိုင် ပန်းပဲတန်း ရပ်ကွက်ရှိ (ယခုအုပ်ချုပ်ရေးမှူးရုံးနေရာ) မွန်လူမျိုးရေးရာအဖွဲ့ချုပ်ရုံးမှ နိုင်စံသူ၊ နိုင်စိန်ထွန်း၊ နိုင်သာအောင်၊ နိုင်ဖိုးကောင်း၊ နိုင်ကြေရှင်နှင့် အားလုံးပေါင်း ၂၀ ဦးခန့်တို့ကို စစ်ရဲ တို့က ဇူလိုင်လ ၂၈ ရက်တွင်လာရောက် ဖမ်းဆီးပြီး မော်လမြိုင် အချုပ်ထောင်ကို ဆက်ပို့လေ၏။
ထိုစဥ်က မွန်လူမျိုးရေးရာအဖွဲ့ချုပ်ရုံး ၂ နေရာတည်ရှိခဲ့သည်၊ ပထမရုံးမှာ ပန်းပဲတန်းရပ်ကွက် (ယခုအုပ်ချုပ်ရေးမှူးရုံးနေရာ) ဖြစ်ပြီး ဒုတိယရုံးမှာ မရမ်း ကုန်းရပ်ကွက်၊ ထားဝယ်တံတားထိပ် (ယခုရေဝန်ရုံးနေရာ) ဖြစ်သည်၊ မွန်အမျိုးသားကာကွယ်ရေးအဖွဲ့ MNDO ရုံးမှာ သံလွင်ဥယျာဥ်အရှေ့ ရွှေတညင် ခေါ် ဟိန္ဒူဘုရားကျောင်းအနီး တွင် တည်ရှိသည်။
Photo- ဝါခေါင်လပြည့်နေ့တွင် မွန်လူငယ်များ ဇာသပြင်ရဲစခန်းမှ လက်နက်များ လုယူခဲ့သည့်ဖြစ်စဥ်စဥ် ဖော်ပြခဲ့သည့် ၁၉၄၈ ခုနှစ် သြဂုတ်လ ၃၁ ရက်နေ့ထုတ် မြန်မာ့ အလင်း သတင်းစာဖြတ်ပိုင်းတစ်ခု။
