ထိုင်းနိုင်ငံ စမွတ်ပရာကန်မြို့ရှိ ဟိုတယ်တစ်ခုတွင် ချစ်သူစုံတွဲအကြား စကားများရန်ဖြစ်ပြီးနောက်၊ အမျိုးသားတစ်ဦးက မိမိချစ်သူအမျိုးသမီးကို လည်ပင်းညှစ်သတ်ခဲ့သည်။
အဆိုပါဖြစ်ရပ်သည် ဇူလိုင် ၆ ရက်နေ့ နေ့လယ် ၁ နာရီခန့်တွင် ဆရီနာခရင်လမ်းမပေါ်ရှိ ဟိုတယ်အခန်းတစ်ခုအတွင်း ဖြစ်ပွားခဲ့သည်။ ဟိုတယ်ဝန်ထမ်းတစ်ဦးက အခန်းထဲတွင် အမျိုးသမီး သေဆုံးနေသည်ကိုတွေ့ရှိခဲ့ပြီး ချက်ချင်း ရဲများအား အကြောင်းကြားခဲ့သည်။
သေဆုံးသူမှာ အသက် ၃၂ နှစ်အရွယ် မြန်မာနိုင်ငံသား မနီလာကျော် ဖြစ်ပြီး၊ တရားခံမှာ အသက် ၃၈ နှစ်အရွယ် ခင်အောင် ဖြစ်သည်။ တာဝန်ရှိသူများက ဖြစ်ပွားရာနေရာ၌ ခင်အောင်ကို ဖမ်းဆီးနိုင်ခဲ့ပြီး၊ အခန်းအတွင်းရှိသက်သေအထောက်အထားများကို လည်း စစ်ဆေးကောက်ယူခဲ့သည်။
ခင်အောင်က ပြန်လည်ဝန်ခံရာတွင် မိမိချစ်သူသည် အခြားသူတစ်ဦးနှင့် ဖောက်ပြန်သည်ဟု စွပ်စွဲကာ သဝန်တိုမှုကြောင့် စကားများရန်ဖြစ်ခဲ့ပြီးနောက် အမျိုးသမီးကို ဟိုတယ်အခန်းသို့ ခေါ်ဆောင်လာကာ ကြိုးဖြင့် လည်ပင်းညှစ်သတ်ခဲ့သည်ဟု ပြောသည်။
ခင်အောင်ကို လတ်တလောတွင် “သူတစ်ပါးအား တမင်သတ်ဖြတ်မှု” ဖြင့် စမွတ်ပရာကန်မြို့နယ်ရဲစခန်းတွင် ထိန်းသိမ်းစစ်ဆေးလျက်ရှိပြီး၊ သေဆုံးရသည့်အကြောင်းရင်းမှန်ကို သိရှိနိုင်ရန် ရုပ်အလောင်းကို Ramathibodi Chakri Naruebodindra ဆေးရုံမှုခင်းပညာဌာနသို့ ပို့ဆောင်ထားသည်။
အာဏာပိုင်များက မိသားစုအတွင်းအကြမ်းဖက်မှုများ၊ တစ်ဦးတစ်ယောက်၏ခံစားချက်မထိန်းနိုင်မှုကြောင့် လူသတ်မှုဆိုင်ရာမှုများ မကြာခဏဖြစ်ပွားလာခြင်းအပေါ် သတိထားရမည်ဟု ဆိုသည်။
Crd- CaoCao
