TikTok ရဲ့ ထိုင်းနိုင်ငံကို ASEAN နည်းပညာစင်တာအဖြစ် တည်ဆောက်ဖို့ ဘတ် ၃၀၀ ဘီလီယံ (အမေရိကန်ဒေါ်လာ ၈.၈ ဘီလီယံ) ရင်းနှီးမြှုပ်နှံမှုကနေ ထိုင်းနိုင်ငံကို ဒစ်ဂျစ်တယ်စီးပွားရေးခေတ်ရဲ့ ရှေ့ဆောင်နိုင်ငံအဖြစ် တွန်းတင်ပေးမယ့်အပြင်၊ သာမန်ပြည်သူတွေအနေနဲ့ အလုပ်အကိုင်၊ စီးပွားရေး၊ ပညာရေး၊ လုံခြုံရေး စတဲ့ကဏ္ဍတွေမှာ တိုက်ရိုက်အကျိုးကျေးဇူးရရှိစေမှာပါ။
“TikTok တွင် ထိုင်းနိုင်ငံသား အသုံးပြုသူ ၅၀ သန်းကျော်ရှိပြီး၊ TikTok Shop ကို အသုံးပြုသော အကောင့်ပေါင်း ၃ သန်းကျော်ရှိကြောင်း၊ ထိုင်းနိုင်ငံသား ၁,၀၀၀ ကျော်ကို အလုပ်အကိုင်အခွင့်အလမ်းများ ဖန်တီးပေးထားကြောင်း Lersch က ဖော်ပြခဲ့သည်။ ဤပူးပေါင်းဆောင်ရွက်မှုသည် ထိုင်းနိုင်ငံ၏ ဒစ်ဂျစ်တယ်စီးပွားရေးကို မြှင့်တင်ရာတွင် အရေးပါသော ခြေလှမ်းတစ်ခုဖြစ်ပြီး၊ နိုင်ငံတကာဈေးကွက်တွင် ထိုင်းလုပ်ငန်းရှင်များနှင့် ကြော်ငြာပညာရှင်များအတွက် အခွင့်အလမ်းသစ်များ ဖန်တီးပေးလိမ့်မည်ဟု မျှော်လင့်ရသည်”
၁။ အလုပ်အကိုင်အခွင့်အလမ်းများ တိုးလာမည်
- TikTok ဟာ ဒေတာစင်တာတည်ဆောက်မှု၊ နည်းပညာအခြေခံအဆောက်အအုံများ မြှင့်တင်မှုတို့အတွက် အလုပ်သစ်တွေ ဖန်တီးပေးမယ်။ လက်ရှိမှာပင် ထိုင်းနိုင်ငံသား ၁,၀၀၀ ကျော်ကို အလုပ်အကိုင် ဖန်တီးပေးထားပြီး၊ ရင်းနှီးမြှုပ်နှံမှုကြောင့် ဒစ်ဂျစ်တယ်နည်းပညာ၊ ဈေးကွက်ဖော်ဆောင်ရေး၊ အွန်လိုင်းကြော်ငြာပညာရှင်စတဲ့ နယ်ပယ်တွေမှာ အလုပ်အကိုင်သစ်တွေ ထပ်မံပေါ်ထွက်လာနိုင်တယ်။
၂။ ထိုင်းထုတ်ကုန်များ ကမ္ဘာ့ဈေးကွက်ရောက်မည်
- TikTok Shop ကတစ်ဆင့် ကျေးရွာလက်မှုပစ္စည်းများ၊ ဒေသထွက်ကုန်များ၊ ခရီးသွားဝန်ဆောင်မှုများ ကို ကမ္ဘာတစ်ဝှမ်းရှိ သုံးစွဲသူသန်းပေါင်းများစွာဆီ ရောင်းချနိုင်မယ်။ ဒါဟာ ကျေးရွာစီးပွားရေး၊ ကဏ္ဍငယ်လုပ်ငန်းရှင်တွေအတွက် ဝင်ငွေတိုးစေပြီး စီးပွားရေးဖွံ့ဖြိုးမှုကို အထောက်အကူဖြစ်စေမယ်။
၃။ အွန်လိုင်းလုံခြုံရေး မြှင့်တင်မည်
- TikTok နဲ့ ထိုင်းအစိုးရပူးပေါင်းပြီး ဒစ်ဂျစ်တယ်စာတတ်မြောက်ရေး သင်တန်းများ၊ အွန်လိုင်းလိမ်လည်မှုနဲ့ အန္တရာယ်ရှိသတင်းများကို ကာကွယ်နည်း တွေကို ပြည်သူတွေကို သင်ကြားပေးမယ်။ ဒါကြောင့် လူငယ်ကစ လူကြီးတိုင်း အင်တာနက်ကို ဘေးကင်းကင်း၊ အကျိုးရှိရှိ အသုံးပြုနိုင်လာမယ်။
၄။ ခရီးသွားလုပ်ငန်း မြှင့်တက်မည်
- TikTok ပေါ်က ထိုင်းယဉ်ကျေးမှု၊ သဘာဝအလှတွေ၊ ဒေသခံအစားအစာတွေ ကို ဗီဒီယိုတွေနဲ့ ကမ္ဘာကို ပြသရာမှာ ခရီးသွားဧည့်သည်တွေ ပိုမိုလာရောက်ဖို့ ဆွဲဆောင်နိုင်မယ်။ ဒါဟာ ဟိုတယ်၊ စားသောက်ဆိုင်၊ လမ်းဘေးစီးပွားရေးလုပ်ငန်းတွေအတွက် ဝင်ငွေတိုးစေမယ့်အခွင့်အလမ်း ဖြစ်လာမယ်။
၅။ နည်းပညာဝန်ဆောင်မှုများ မြန်ဆန်လွယ်ကူလာမည်
- ဒေတာစင်တာတည်ဆောက်ပြီး နည်းပညာအခြေခံအဆောက်အအုံ ကောင်းမွန်လာတာနဲ့အမျှ အင်တာနက်အမြန်နှုန်း၊ ဒီဂျစ်တယ်ဝန်ဆောင်မှုတွေ (ဥပမာ- အွန်လိုင်းငွေပေးချေမှု၊ ကြေးနန်းစျေးဝယ်ခြင်း) ပိုမိုလျင်မြန်ချောမွေ့လာမယ်။ ဒါဟာ ပြည်သူတိုင်းရဲ့ နေ့စဉ်ဘဝကို ပိုမိုအဆင်ပြေစေမယ်။
၆။ နိုင်ငံတကာနဲ့ ယှဉ်ပြိုင်နိုင်မည့် နည်းပညာစွမ်းရည်
- ASEAN ဒေသတွင်း နည်းပညာစင်တာအဖြစ် ရပ်တည်လာတဲ့အခါ ထိုင်းနိုင်ငံသား လူငယ်တွေဟာ ခေတ်မီနည်းပညာသင်ကြားရေး၊ လေ့ကျင့်ရေး အခွင့်အလမ်းတွေ ရလာမယ်။ ဒါဟာ နောင်အနာဂတ်မှာ သူတို့ရဲ့အလုပ်အကိုင်နဲ့ စီးပွားရေးအခွင့်အလမ်းတွေကို ပိုမိုကျယ်ပြန့်စေမယ်။
သတင်းနောက်ခံအချက်အလက်များ
- TikTok သည် ထိုင်းနိုင်ငံကို ASEAN ဒေသတွင်း နည်းပညာစင်တာအဖြစ် တည်ဆောက်ရန် လာမည့် ၅ နှစ်အတွင်း ဘတ်ငွေ ၃၀၀ ဘီလီယံ (အမေရိကန်ဒေါ်လာ ၈.၈ ဘီလီယံ) ရင်းနှီးမြှုပ်နှံမည်ဟု ကြေညာခဲ့သည်။ ဤဆုံးဖြတ်ချက်ကို TikTok ၏ မူဝါဒဆိုင်ရာ ဒုတိယဥက္ကဋ္ဌ Helena Lersch နှင့် ထိုင်းဝန်ကြီးချုပ် Paetongtarn Shinawatra တို့အကြား ဖေဖော်ဝါရီ ၂၈ ရက်က ဘန်ကောက်မြို့တွင် ပြုလုပ်ခဲ့သော တွေ့ဆုံဆွေးနွေးပွဲမှ ရရှိခဲ့ခြင်းဖြစ်သည်။
- ဤရင်းနှီးမြှုပ်နှံမှုတွင် ထိုင်းနိုင်ငံ၏ နည်းပညာအခြေခံအဆောက်အအုံများ မြှင့်တင်ရန်နှင့် ဒေတာစီမံခန့်ခွဲမှုကို ပိုမိုကောင်းမွန်စေရန် ဒေတာစင်တာတစ်ခု တည်ဆောက်ရန် ပါဝင်သည်။ ထို့အပြင်၊ TikTok နှင့် ထိုင်းအစိုးရသည် မီဒီယာစာတတ်မြောက်ရေး၊ အွန်လိုင်းလိမ်လည်မှုများနှင့် မှားယွင်းသောသတင်းများကို တိုက်ဖျက်ရန် ပူးပေါင်းဆောင်ရွက်မည်ဟု ဆွေးနွေးခဲ့သည်။
- TikTok ၏ ဤရင်းနှီးမြှုပ်နှံမှုသည် ထိုင်းနိုင်ငံ၏ စီးပွားရေးကို မြှင့်တင်ရန်နှင့် ပုဂ္ဂလိကနှင့် အစိုးရကြား ပူးပေါင်းဆောင်ရွက်မှုကို အားကောင်းစေမည်ဟု ယူဆရသည်။ TikTok Shop မှတစ်ဆင့် ထိုင်းထုတ်ကုန်များကို ကမ္ဘာ့ဈေးကွက်သို့ မိတ်ဆက်ပေးခြင်းနှင့် ထိုင်းယဉ်ကျေးမှုနှင့် ခရီးသွားလုပ်ငန်းကို မြှင့်တင်ပေးခြင်းအတွက် TikTok ကို ကျေးဇူးတင်ကြောင်း ဝန်ကြီးချုပ် Paetongtarn က ပြောကြားခဲ့သည်။
